Ἦμος δ᾽ ἠριγένεια φάνη ῥοδοδάκτυλος Ἠώς.
Iam caelum roseis rutilat Tithonia bigis.
Telemachus anxiae matri ordinem peregrinationis enarrat. Vlixes ad oppidum Eumaeo opitulante perducitur. domum in qua proci epulabantur ingressus emendicat cibos miserabiliter ambiendo. inde ab Antinoo iniuriose afficitur. cui Penelopa diras ob inhumanum facinus imprecatur: a qua missus Eumaeus est, ut hospes (sic enim se ferebat) ad eam prouocaretur. tum quidem inuitatus gratiam facit, sed uenturum sese ad uesperam pollicetur.