Ausonius *periochae Iliados 18

Reference basis text: R. P. H. Green, 1999

Editing of the digital edition: A. Prontera, 2023

Other sections


Ὥς οἳ μὲν μάρναντο δέμας πυρὸς αἰθομένοιο.

Dum furit in medio ualli uis ignea Martis.

 

Achilles in miserabilem modum Patrocli deflet interitum, quem ui doloris affectum consolantibus uerbis mater alloquitur. nec inultum amicum fore pollicens perlaturam sese Vulcani arma promittit. interea et Iris ab Iunone demittitur, cuius instantia Achilles extra uallum quamquam inermis egreditur conterritisque Troianis super alios aliis praecipitantibus late fuga et latius formido porrigitur. eodemque tempore et Vulcanus exoratus a Thetide tota nocte, quam longa est, caelestia in gratiam nymphae arma molitur.

2

ualli Heinsius

belli P H Ugoletus