Solamen tibi, Phoebe, nouum dedit Oebalius flos.
Flore alio reus est Narcissi morte sacer fons.
Caedis Adoneae mala gloria fulmineus sus.
Peiurum Lapitham Iunonia ludificat nubs.
5
Ludit et Aeaciden Parnasia Delphicolae sors.
Threicium Libycum freta Cimmeriumque secat bos.
Non sine Hamadryadis fato cadit arborea trabs.
Quo generata Venus, Saturnia desecuit falx.
Sicca inter rupes Scythicas stetit alitibus crux,
10
Vnde Prometheo de corpore sanguineus ros
Aspergit cautes et dira aconita creat cos.
Ibycus ut periit, index fuit altiuolans grus.
Aeacidae ad tumulum mactata est Andromachae glos.
Tertia opima dedit spoliatus Aremoricus Lars. 
15
Carcere in Argiuo Philopoemena lenta adiit mors
Sera uenenato potu abstulit Hannibalem nex.
Res Asiae quantas leto dedit immeritas fraus!
Vltrix flagrauit de rupibus Euboicis fax.
de historiis V Q Z om. D Girardini
monosyllaba de fabulis p¹
codices
V = Leiden, Bibliotheek der Rijksuniversiteit, VLF 111 (saec. IX)
Q = Leiden, Bibliotheek der Rijksuniversiteit, VLQ 33 (saec. X)
O = Paris, Bibliothèque Nationale de France, lat. 2772 (saec. IX)
D = Cambridge, University Library, Kk. 5.34 (saec. X-XI)
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T
praefatio 1 in O D Z deest
prefatio 2 in V Q O D deest
carmen 4 in O D deest
carmina 7-16 in O desunt
carmen 14 O D Z deest
contatti: 