epigrammata Bobiensia app. 3

Reference basis text: W. Speyer, 1963

Editing of the digital edition: A. Luceri, O. Portuese, 2008

Other sections


Ex Graeco contrarium

 

 

Omnis habet uitae ratio sua gaudia: honores

      Curia, priuato sub lare parta quies.

Naturae exercet studium rus; aequora lucrum,

      Res peregre famam larga relata parit.

5

Pauperiem nosti solus; cum uxore beata

      Est domus; haec absit, sic quoque uita leuis.

Laetitia est proles; sine prole, carere quid iuuat!

      Firma iuuenta; deos curua senecta colit.

Non ergo alterutrum legere est: occumbere uel non

10

      Nasci; quaeque suis commoda uita bonis.

Ex Graeco contrarium corr. Sp.

Greco Vat.