De aetatibus animantium. Hesiodion
Ter binos deciesque nouem super exit in annos
Iusta senescentum quos implet uita uirorum.
Hos nouies superat uiuendo garrula cornix
Et quater egreditur cornicis saecula ceruus.
5
Alipedem ceruum ter uincit coruus et illum
Multiplicat nouies Phoenix, reparabilis ales.
Quem nos perpetuo decies praeuertimus aeuo,
Nymphae Hamadryades quarum longissima uita est.
Haec cohibet finis uiuacia fata animantum.
10
Cetera secreti nouit deus arbiter aeui.
de aetatibus animantium. Hesiodion G I J W
de aetatibus. Hesiodion V
codices
V = Leiden, Bibliotheek der Rijksuniversiteit, VLF 111 (saec. IX)
G = Sankt Gallen, Stiftsbibliothek 899 (saec. IX-X)
I = Wolfenbüttel, Herzog August Bibliothek, Helmst. 322 (1440-1480)
J = Darmstadt, Universitäts- und Landesbibliothek (olim Hessische Landes- und Hochschulbibliothek) 3301 (saec. IX)
W = Paris, Bibliothèque Nationale de France, lat. 4887 (saec. XII)