Ausonius eclogae 3 = ecl. 3 Schenkl = ecl. 10 Peiper = ecl. 10 Prete = ecl. I Kalendares 3 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Item disticha

Iane noue, primo qui das tua nomina mensi,

      Iane bifrons, spectas tempora bina simul.

Post superum cultus uicino Februa mense

      Dat Numa cognatis manibus inferias.

5

Martius et generis Romani praesul et anni

      Prima dabas Latiis tempora consulibus.

Aeneadum genetrix uicino nomen Aprili

     Dat Venus; est Marti namque Aphrodita comes.

Maia dea an maior Maium te fecerit aetas

10

      Ambigo: sed mensi est auctor uterque bonus.

Iunius hunc sequitur duplici celebrandus honore,

      Seu nomen Iuno siue Iuuenta dedit.

Inde Dionaeo praefulgens Iulius astro

      Aestatis mediae tempora certa tenet.

15

Augustus sequitur, cognatum a Caesare nomen,

      Ordine sic anni proximus, ut generis.

Nectuntur post hos numerumque ex ordine signant

      September, Bacchi munere praela rigans,

Et qui sementis per tempora faenore laetus

20

      October cupidi spem fouet agricolae,

Quique salo mergens sollemnia signa Nouember

      Praecipitat, caelo mox reditura suo.

Concludens numerum genialia festa December

     Finit, ut a bruma mox nouus annus eat.

item disticha

item diticha V

codex unicus
V = Leiden, Bibliotheek der Rijksuniversiteit, VLF 111 (saec. IX)