Nomina, quae septem uertentibus apta diebus
Annus habet, totidem errantes fecere planetae,
Quos indefessa uoluens uertigine mundus
Signorum obliqua iubet in statione uagari.
5
Primum supremumque diem radiatus habet sol.
Proxima fraternae succedit luna coronae.
Tertius assequitur Titania lumina Mauors.
Mercurius quarti sibi uindicat astra diei.
Illustrant quintam Iouis aurea sidera zonam.
10
Sexta salutigerum sequitur Venus alma parentem.
Cuncta supergrediens Saturni septima lux est.
Octauam instaurat reuolubilis orbita solem.
de nominibus septem dierum V
codex unicus
V = Leiden, Bibliotheek der Rijksuniversiteit, VLF 111 (saec. IX)