Ausonius epigrammata 103 = epigr. 95 Schenkl = epigr. 23 Peiper = epigr. 23 Prete = epigr. 106 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Δύσερως

"Suasisti, Venus, ecce, duas δύσερως ut amarem.

      Odit utraque; aliud da modo consilium."

"Vince datis ambas." "cupio, uerum arta domi res."

      "Pellice promissis." "nulla fides inopi."

5

"Antestare deos." "nefas est mihi fallere diuos."

      "Peruigila ante fores." "nocte capi metuo."

"Scribe elegos." "nequeo, Musarum et Apollinis expers."

      "Frange fores." "poenas iudicii metuo."

"Stulte, ab amore mori pateris, non uis ob amorem?"

10

      "Malo miser dici quam miser atque reus."

"Suasi quod potui: <tu> alios modo consule." "dic quos."

     "Quod sibi suaserunt Phaedra et Elissa dabunt,

Quod Canace Phyllisque et fastidita Phaoni."

      "Hoc das consilium?" "tale datur miseris".

Δύσερως corr. Charpin

diseros V nullum lemma E

codices
V = Leiden, Bibliotheek der Rijksuniversiteit, VLF 111 (saec. IX)
E = Paris, Bibliothèque Nationale de France, lat. 18275 (1140-1160)
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T

hoc carmen a superiore non seiungit Z