Ausonius epigrammata 87 = epigr. 79 Schenkl = epigr. 87 Peiper = epigr. 87 Prete = epigr. 89 Combeaud

Reference basis text: R. P. H. Green, 1999

Editing of the digital edition: A. Prontera, 2023

Other sections


In Eunum ligurritorem paedagogum

Eunus Syriscus, inguinum ligurritor,

Opicus magister (sic eum docet Phyllis),

Muliebre membrum qua triangulum cernit

Triquetro coactu Δ litteram ducit.

5

De ualle femorum altrinsecus pares rugas

Mediumque, fissi rima qua patet, callem

Ψ dicit esse: nam trifissilis forma est.

Cui ipse linguam cum dedit suam, Λ est.

Veramque in illis esse Φ notam sentit.

10

Quid, imperite, Ρ putas ibi scriptum,

Vbi locari Ι conuenit longum?

Miselle doctor, ΟΥ tibi sit obsceno

Tuumque nomen Θ sectilis signet.

In Eunum ligurritorem paedagogum C nullum lemma T

in ligurritorem pedagogum K M L

codices
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T