Subscriptum picturae mulieris impudicae
Praeter legitimi genitalia foedera coetus
Repperit obscenas ueneres uitiosa libido,
Herculis heredi quam Lemnia suasit egestas,
Quam toga facundi scaenis agitauit Afrani
5
Et quam Nolanis capitalis luxus inussit.
Crispa tamen cunctas exercet corpore in uno:
Deglubit, fellat, molitur per utramque cauernam,
Ne quid inexpertum frustra moritura relinquat.
Subscriptum picturae mulieris impudicae C nullum lemma T
subscriptum pictae mulieris impudicae K
subscripta pictae mulieris impudicae M L
codices
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
T = Leiden, Bibliotheek der Rijksuniversiteit, VLQ 107 (saec. XV-XVI)
Z = consensus C K M (L) T