Ausonius epigrammata 3 = epigr. 4 Schenkl = epigr. 28 Peiper = epigr. 28 Prete = epigr. 3 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Ad fontem Danuuii iussu Valentiniani Augusti

Illyricis regnator aquis, tibi, Nile, secundus,

      Danuuius laetum profero fonte caput.

Saluere Augustos iubeo natumque patremque,

     Armiferis alui quos ego Pannoniis.

5

Nuntius Euxino iam nunc uolo currere ponto,

     Vt sciat hoc superum cura secunda Valens,

Caede fuga flammis stratos periisse Suebos

      Nec Rhenum Gallis limitis esse loco.

Quod si lege maris refluus mihi curreret amnis,

10

      Huc possem uictos inde referre Gothos.

Ad fontem Danuuii iussu Valentiniani Augusti Z

codices
C = Padova, Biblioteca Capitolare C. 64 (saec. XV)
K = London, British Library, Kings 31 (1475)
M = Firenze, Biblioteca Nazionale Centrale, Magl. VI.29 (saec. XIV)
L = Firenze, Biblioteca Medicea Laurenziana, Plut. 51.13 (1490-1500)
Z = consensus C K M (L)