Exsuperi, memorande mihi, facunde sine arte,
Incessu grauis et uerbis ingentibus, ore
Pulcher et ad summam motuque habituque uenusto,
Copia cui fandi longe pulcherrima, quam si
5
Auditu tenus acciperes, deflata placeret,
Discussam scires solidi nihil edere sensus -
Palladiae primum toga te uenerata Tolosae
Mox pepulit leuitate pari; Narbo inde recepit.
Illic Dalmatio genitos, fatalia regum
10
Nomina, tum pueros, grandi mercede docendi
Formasti rhetor metam prope puberis aeui;
Caesareum qui mox indepti nomen, honorem
Praesidis Hispanumque tibi tribuere tribunal.
Decedens placidos mores tranquillaque uitae
15
Tempora praediues finisti sede Cadurca.
Sed patriae te iura uocant et origo parentum,
Burdigalae ut rursum nomen de rhetore reddas.
Exsuperius rhetor Tolosae Charpin, Scaliger
codex unicus
V = Leiden, Bibliotheek der Rijksuniversiteit, VLF 111 (saec. IX)
carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9