Censorio Attico Agricio rhetori
Eloquii merito primis aequande, fuisti,
Agrici, positus posteriore loco;
Aeuo qui quoniam genitus functusque recenti,
Dilatus nobis, non et omissus eras.
5
Quocumque in numero, tristi memorabere threno:
Vnus honos tumuli, serus et ante datus.
Tam generis tibi celsus apex quam gloria fandi,
Gloria Athenaei cognita sede loci;
Nazario et claro quondam delata Paterae
10
Egregie multos excoluit iuuenes.
Coniuge nunc natisque superstitibus generoque
Maiorum manes et monumenta foues.
4
et V
at Kenney
codex unicus
V = Leiden, Bibliotheek der Rijksuniversiteit, VLF 111 (saec. IX)
carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmen 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9