Grammaticis Latinis Burdigalensibus philologis <Macrino Sucuroni Concordio Phoebicio> Ammonio Anastasio grammatico Pictauorum
Nunc ut quemque mihi
Flebilis officii
Religiosus honor
Suggeret, expediam:
5
Qui, quamuis humili
Stirpe loco ac merito,
Ingeniis hominum
Burdigalae rudibus
Introtulere tamen
10
Grammatices studium.
Sit Macrinus in his
(Huic mea principio
Credita puerities)
Et libertina
15
Sucuro progenie,
Sobrius et puerorum
Vtilis ingeniis,
Et tu, Concordi,
Qui profugus patria
20
Mutasti sterilem
Vrbe alia cathedram.
Nec reticebo senem
Nomine Phoebicium,
Qui Beleni aedituus
25
Nil opis inde tulit;
Sed tamen, ut placitum,
Stirpe satus Druidum
Gentis Aremoricae,
Burdigalae cathedram
30
Nati opera obtinuit.
Permaneat series:
Religiosum etenim:
<Ammonium ...> 
Commemorare <meae>
35
Grammaticum patriae,
Qui rudibus pueris
Prima elementa dabat.
Doctrina exiguus,
Moribus implacidis,
40
Proinde ut erat meritum
Famam habuit tenuem.
Pange et Anastasio
Flebile, Musa, melum
Et memora tenuem,
45
Nenia, grammaticum.
Burdigalae hunc genitum
Transtulit ambitio
Pictonicaeque dedit.
Pauper ibi et tenuem
50
Victum habitumque colens
Gloriolam exilem
Et patriae et cathedrae
Perdidit in senio.
Sed tamen hunc noster
55
Commemorauit honos,
Ne pariter tumulus
Nomen et ossa tegat.
Grammaticis Latinis Burdigalensibus philologis V ultimum verbum del. Green
Latinis Burdigalensibus philologis Combeaud
codex unicus
V = Leiden, Bibliotheek der Rijksuniversiteit, VLF 111 (saec. IX)
carmina 16-22 in V, folio 12 abrepto, desunt; editiones antiquiores (Charpin, Vinet, Scaliger) codicum instar habendae sunt. Tantum carmina 20,7-14 et 25,7-10 extant in v = Wien, Österreichische Nationalbibliothek, lat. 3261 (saec. XVI) et s = Leiden, Bibliotheek der Rijksuniversiteit, Opera 754 F 9
contatti: 