Attusia Lucana Talisia et Minucius Regulus affines
Notitia exilis nobis, Attusia, tecum,
Cumque tuo plane coniuge nulla fuit.
Verum tu nostrae soror es germana Sabinae,
Affinis quoque <tu>, Regule, nomen habes.
5
Sortitos igitur tam cara uocabula nobis
Stringamus maesti carminis obsequio.
Quamuis Santonica procul in tellure iacentes
Peruenit ad manes exsequialis honor.
et Minucius Heinsius ap. Peiper
Erminuscius V
codex unicus
V = Leiden, Bibliotheek der Rijksuniversiteit, VLF 111 (saec. IX)