Namia Pudentilla affinis
Tuque Pudentillam uerbis affare supremis,
Quae famae curam, quae probitatis habes.
Nobilis haec, frugi proba laeta pudica decora
Coniugium Sancti iugiter haec habuit.
5
Inuiolata tuens castae praeconia uitae
Rexit opes proprias, otia agente uiro,
Non ideo exprobrans aut fronte obducta marito,
Quod gereret totam femina sola domum.
Heu nimium iuuenis, sed laeta superstite nato
10
Atque uiro, patiens fata suprema obiit,
Vnanimis nostrae et quondam germana Sabinae
Et mihi inoffenso nomine dicta soror.
Nunc etiam manes placidos pia cura retractat
Atque Pudentillam fantis honore colit.
8
gereret Charpin, Scaliger, Tollius, Bipontina, Canal, Peiper, Prete, Lolli, Green, Combeaud, Dräger 2012
generet V
regeret Tollius in app., Schenkl
codex unicus
V = Leiden, Bibliotheek der Rijksuniversiteit, VLF 111 (saec. IX)