Ausonius Parentalia 18 = XV.20 Schenkl = IV.18 Peiper = III.18 Prete = VI.1.18 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Fl. Sanctus maritus Pudentillae quae soror Sabinae meae

Qui ioca laetitiamque colis, qui tristia damnas,

      Nec metuis quemquam nec metuendus agis,

Qui nullum insidiis captas nec lite lacessis,

     Sed iustam et clemens uitam agis <et> sapiens,

5

Tranquillos manes supremaque mitia Sancti

     Ore pio et uerbis aduenerare bonis,

Militiam nullo qui turbine sedulus egit,

     Praeside laetatus quo Rutupinus ager,

Octoginta annos cuius tranquilla senectus

10

      Nullo mutauit deteriore die.

Ergo precare fauens ut qualia tempora uitae

      Talia et ad manes otia Sanctus agat.

4

iustam Scaliger

iusta V

codex unicus
V = Leiden, Bibliotheek der Rijksuniversiteit, VLF 111 (saec. IX)