Ausonius Parentalia 15 = XV.17 Schenkl = IV.15 Peiper = III.15 Prete = VI.1.15 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Pomponius Maximus affinis

Et te germanum non sanguine, sed uice fratris,

     Maxime, deuinctum nenia nostra canet.

Coniunx namque meae tu consociate sorori

      Aeui fruge tui destituis uiduam.

5

Non domus hoc tantum sensit tua, sensit acerbum

      Saucia, pro, casum curia Burdigalae,

Te primore uigens, te deficiente relabens

      Inque Valentinum te moriente cadens.

Heu quare nato, qui fruge et flore nepotum

10

      Ereptus nobis, Maxime, non frueris?

Sed frueris, diuina habitat si portio manes

      Quaeque futura olim gaudia nosse datur.

Longior hic etiam laetorum fructus habetur,

      Anticipasse diu quae modo participas.

2

canet Scaliger

canent V

codex unicus
V = Leiden, Bibliotheek der Rijksuniversiteit, VLF 111 (saec. IX)