Ausonius Parentalia 12 = XV.14 Schenkl = IV.12 Peiper = III.12 Prete = VI.1.12 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Iulia Dryadia soror

Si qua fuit uirtus, cuperet quam femina prudens

     Esse suam, soror hac Dryadia haud caruit;

Quin etiam multas habuit, quas sexus habere

      Fortior optaret nobilitasque uirum;

5

Docta satis uitamque colo famamque tueri,

      Docta bonos mores ipsa suosque docens;

Et uerum uita cui carius, unaque cura

      Nosse deum et fratrem diligere ante alios.

Coniuge adhuc iuuenis caruit, sed seria uitam

10

      Moribus austeras aequiperauit anus.

Produxit celerem per sena decennia uitam

     Inque domo ac tecto, quo pater, oppetiit.

2

haud caruit Peiper, Prete, Pastorino, Green, Lolli, Combeaud, Dräger 2012

haud ruit V

enituit Gronovius ap. Tollium, Bipontina, Canal

eminuit Schenkl

emeruit Heinsius ap. Schenkl

codex unicus
V = Leiden, Bibliotheek der Rijksuniversiteit, VLF 111 (saec. IX)