Ausonius Parentalia 7 = XV.9 Schenkl = IV.7 Peiper = III.7 Prete = VI.1.7 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Cl. Contemtus et Iulius Calippio patrui

Et patruos, elegea, meos reminiscere cantu:

      Contemtum, tellus quem Rutupina tegit,

Magna cui et uariae quaesita pecunia sortis

     Heredis nullo nomine tuta perit;

5

Raptus enim laetis et adhuc florentibus annis

      Trans mare et ignaris fratribus oppetiit.

Iulius in longam produxit fata senectam,

      Affectus damnis innumerabilibus,

Qui comis blandusque et mensa commodus uncta

10

      Heredes solo nomine nos habuit.

Ambo pii, uultu similes, ioca seria mixti,

      Aeui fortunam non habuere parem.

Discreti quamquam tumulis et honore iacetis

      Commune hoc uerbi munus habete: uale.

1

patruos Charpin

parvos V

codex unicus
V = Leiden, Bibliotheek der Rijksuniversiteit, VLF 111 (saec. IX)