Ausonius Parentalia 5 = XV.7 Schenkl = IV.5 Peiper = III.5 Prete = VI.1.5 Combeaud

Testo base di riferimento: R. P. H. Green, 1999

Cura dell'edizione digitale: A. Prontera, 2023

Altre sezioni


Aemilia Corinthia Maura auia

Aemiliam nunc fare auiam, pia cura nepotis,

      Coniunx praedicto quae fuit Arborio.

Nomen huic ioculare datum, cute fusca quod olim

      Aequales inter Maura uocata fuit.

5

Sed non atra animo, qui clarior esset olore

      Et non calcata qui niue candidior.

Haec non deliciis ignoscere prompta pudendis

      Ad perpendiculum seque suosque habuit;

Haec me praereptum cunis et ab ubere matris

10

      Blanda sub austeris imbuit imperiis.

Tranquillos auiae cineres praestate, quieti

      Aeternum manes, si pia uerba loquor.

7

deliciis V

delictis Green

codex unicus
V = Leiden, Bibliotheek der Rijksuniversiteit, VLF 111 (saec. IX)