Iulius Ausonius pater
Primus in his pater Ausonius, quem ponere primum,
Etsi cunctetur filius, ordo iubet.
Cura dei, placidae functus quod honore senectae
Vndecies binas uixit Olympiadas;
5
Omnia quae uoluit qui prospera uidit; eidem
Optauit quicquid, contigit ut uoluit
Non quia fatorum nimia indulgentia, sed quod
Tam moderata illi uota fuere uiro;
Quem sua contendit septem sapientibus aetas,
10
Quorum doctrinam moribus excoluit,
Viueret ut potius quam diceret arte sophorum,
Quamquam et facundo non rudis ingenio,
Praeditus et uitas hominum ratione medendi
Porrigere et fatis amplificare moras.
15
Inde et perfunctae manet haec reuerentia uitae,
Aetas nostra illi quod dedit hunc titulum:
Vt nullum Ausonius quem sectaretur habebat,
Sic nullum qui se nunc imitetur habet.
4
Olympiadas Charpin
olympiadus V
codex unicus
V = Leiden, Bibliotheek der Rijksuniversiteit, VLF 111 (saec. IX)