Damasus epigrammata 27

Testo base di riferimento: M. Ihm, 1895

Cura dell'edizione digitale: P. Tomasi, 2010

Altre sezioni


Eutychius martyr crudelia iussa tyranni

Carnificumq(ue) uias pariter tunc mille nocendi

Vincere quod potuit monstrauit gloria Christi.

Carceris inluuiem sequitur noua poena per artus,

5

Testarum fragmenta parant ne somnus adiret,

Bis seni transiere dies, alimenta negantur,

Mittitur in barathrum, sanctus lauat omnia sanguis

Vulnera quae intulerat mortis metuenda potestas.

Nocte soporifera turbant insomnia mentem,

10

Ostendit latebra insontis quae membra teneret,

Quaeritur, inuentus colitur, fouet, omnia praestat.

Expressit Damasus meritum: uenerare sepulchrum.

12

Ihm varias codicum lectiones adponere inutile est, cum marmore [ICVR V, 13274] concordat L