Cingebant latices montem teneroque meatu
Corpora multorum, cineres atque ossa rigabant.
Non tulit hoc Damasus, communi lege sepultos
Post requiem tristes iterum persoluere poenas.
5
Protinus adgressus magnum superare laborem
Aggeris inmensi deiecit culmina montis.
Intima sollicite scrutatus uiscera terrae
Siccauit totum quidquid madefecerat umor.
Inuenit fontem, praebet qui dona salutis.
10
Haec curauit Mercurius leuita fidelis.
1
montem teneroque meatu ICVR II, 4098 m teneroque meatu: saeculi XVII restitutio