Hinc primus extat Aeacus Iouis proles
Atque inde Peleus Phthiae regna possedit,
Quo tu subortus inclyta cluis proles.
Pyrrhusque post id nobile adserit sanguen,
5
Quem subsecuta est Pieli fama non dispar;
Pielique proles Eubius dehinc regnat.
Post Nessus ardens excipit domus nomen
Argusque post id, qui potens fuit Xanthi;
Ex hoc Arete nobilis genus ducit.
10
Areta natus Priami nomen accepit,
Tryinus unde et Eurymachus post illum,
Ex quo Lycus fit diues et dehinc Castor.
Castore natus est Dromon, qui dat Phocum.
Atque hinc suborta est Metrias, quae suscepit
15
Neoptolemei nominis uicem dignam,
Cui substitutus Charopus; hic Molossorum
Regni potitus auctor extitit stirpis
Nostrae ...
... eritque uiscus inclytum matris
20
E qua subortus uestro sanguini adnector,
Quaesoque nomen adseras tuum nobis
Bellisque praestes gloriasque subtexas
Velut feracis seminis <capiens> fructum,
Quod cuncta late spatia terrae peruadat;
25
Vnaque metis nostra fac Phaethonteis
Regna explicari mundus adserat cunctus.
19
uiscus Iul. Val. 1, 42 R. cod. Taurinensis (ed. A. Mai)
iustum Iul. Val. 1, 42 R. codd. plerique
Iul. Val. 1, 42 R. (46 Kueb. et 48, 30 ss. Kroll, qui hosce uersus pro deperditis Ps.-Callisthenis in huius textum recepit): praecipue tamen Achillem ueneratur ac rogat uti sibi et ipse faueat et dona quae ferret dignanter admittat; haec enim a sese non ut ab externo ac superstitioso, uerum ut consanguineo ac religioso dedicari: "hinc primus ... cunctus".