Optatianus Porfyrius carmina Versus intexti

Altre sezioni


2.

Sancte, tui uatis, Caesar, miserere serenus;

Aurea sic mundo disponas saecula toto.

 

3.

Fingere Musa queat tali si carmine uultus

Augusti, et metri et uersus lege manente,

Picta elementorum uario per musica textu

Vincere Apelleas ardebit pagina ceras.

5

Grandia quaerentur, si uatis laeta Camena

Orsa iuuet, uersu consignans aurea saecla.

 

5.

Cum sic scripta placent, audent sibi deuia Musae

Per uarios signare modos deuotaque mentis

Gaudia, quae pingens loquitur mea, Phoebe, Camena.

Summe parens, da uoce pia tricennia fari.

 

6.

Dissona Musarum uinciri stamine gaudens

Grandia conabor Phoebeo carmina plectro.

 

7.

Ausonium columen, lux alma et gloria Romae,

Virtutum specimen, mitis clementia mundi,

Iustitiae parens, spes felix, otia rerum,

Aetherium munus nobis per saecula missum,

5

Rectorisque Dei per te praesentia pollet.

 

8.

Alme, salutari nunc haec tibi pagina signo

      Scripta micat, resonans nominibus domini;

Nate Deo, solus saluator, sancte, bonorum,

      Tu deus es iusti, gratia tu fidei.

5

Sit Victoria comes Aug. et natis eius.

 

9.

Castalides, uersu docili concludite palmam.

Constantine faue; te nunc in carmina Phoebum

Mens uocat, ausa nouas metris indicere leges,

Limite sub parili crescentis undique ramos

5

Reddat ut intextus Musarum carmine uersus.

 

10.

Constantine maxime imperator et inuicte,

Aeternae pacis prouidentissimus custos,

Pater imperas, auus imperes,

Pius et felix,

5

Aurei saeculi restaurator,

Omnia magnus.

 

11.

Fortissimus imperator

Clementissimus rector

Constantinus inuictus.

 

12.

Certa salus rerum, proles inuicta Tonantis,

Orbi tu renouas felicis tempora saecli,

Aurea iustitiae terris insignia donas.

 

13.

Pius Augustus

Constantinus.

 

14.

Summi Dei auxilio nutuque perpetuo tutus

Orbem totum pacauit trucidatis tyrannis

Constantinus pius et aeternus imperator

Reparator orbis.

 

16.

Domino nostro Constantino perpetuo Augusto.

Νεῖμέν σοι βασιλεῦ Χριστὸς καὶ σοῖς τεκέεσσι

Τίμιον εὐσεβίης κρατέειν ἀρετῆς τε βραβεῖον

Εὐνομίης ἄρχειν τε καὶ Αὐσονίοισιν ἀνάσσειν.

 

18.

Alme tuas laurus aetas sustollet in astra.

Aurea lux uatum, siluae mihi praemia serua.

Aucta Deo uirtus Musas magis ornat aperta.

Aurea uictorem pietas sonat ubere lingua.

5

Aonios latices pietas iuuat armaque diua.

Augusti florem pietas iuuat, arma, tropaea.

Aonii frutices pietas iuuat ubere glaeba.

 

19.

Τὴν ναῦν δεῖ κόσμον, σὲ δὲ ἄρμενον εἰνὶ νομίζιν

Θούροις τεινόμενον σῆς ἀρετῆς ἀνέμοις.

Nauita nunc tutus contemnat, summe, procellas;

Nigras nunc tutus contemnat, summe, procellas;

5

Tutus contemnat summis cumulata tropaeis;

Pulsa mente mala contemnat, summe, procellas;

Spe quoque Roma bona contemnat, summe, procellas.

Roma felix floret semper uotis tuis.

 

20.

Augusto uictore iuuat rata reddere uota.

 

21.

Publilius Optatianus Porfyrius haec lusi

Omne genus metri tibi pangens optume Basse.

Hic uersus uario colore dispar.

 

22.

Mixta per amfractus diducunt carmina Musae,

Seu cancellatos spatia in contraria flexus.

Seriem paramus ordinare acrius;

Amor poesis spissa gaudet exigi.

5

Possit coire docta rerum limite.

Opus tuetur non necata parcitas.

Speciosa sancta cultu,

Bene picta Musa metris,

Breuiter fluas ut isto,

10

Opus est per arta coetu.

Audeo plenas

Edere formas:

Picta notabo

Iura Camenis.

 

23.

Μάρκε, τεὴν ἄλοχον τὴν Ὑμνίδα Νεῖλος ἐλαύνει

 

24.

Omnipotens genitor tuque o diuisio mixta,

Filius atque pater et sanctus spiritus unum,

Faueas uotis.

 

31.

Constantina deo.