Manu misit emptos suos amores Philolaches
Omnemque absente rem suo absumit patre.
Senem ut reuenit ludificatur Tranio:
Terrifica monstra dicit fieri in aedibus
5
Et inde pridem emigratum. Interuenit
Lucripeta faenus faenerator postulans
Ludosque rursum fit senex; nam mutuom
Acceptum dicit pignus emptis aedibus.
Requirit quae sint: ait uicini proxumi.
10
Inspectat illas. Post se derisum dolet,
Ab sui sodale gnati exoratur tamen.