1.
In faciem uersus Amphitruonis Iuppiter,
Dum bellum gereret cum Telobois hostibus,
Alcmenam uxorem cepit usurariam.
Mercurius formam Sosiae serui gerit
5
Absentis: his Alcmena decipitur dolis.
Postquam rediere ueri Amphitruo et Sosia,
Vterque deluduntur dolis in mirum modum.
Hinc iurgium, tumultus uxori et uiro,
Donec cum tonitru uoce missa ex aethere
10
Adulterum se Iuppiter confessus est.
2.
Amore captus Alcumenas Iuppiter
Mutauit sese in formam eius coniugis,
Pro patria Amphitruo dum decernit cum hostibus.
Habitu Mercurius ei subseruit Sosiae.
5
Is aduenientis seruum ac dominum frustra habet.
Turbas uxori ciet Amphitruo, atque inuicem
Raptant pro moechis. Blepharo captus arbiter
Vter sit non quit Amphitruo decernere.
Omnem rem noscunt. Geminos illa enititur.