Plinius carmina epistulis inserta 1

Reference basis text: J. Blänsdorf, 2011

Editing of the digital edition: P. Mastandrea, S. Arrigoni, 2015

Data insertion and check: S. Arrigoni

Other sections


Cum libros Galli legerem, quibus ille parenti

Ausus de Cicerone dare est palmamque decusque,

Lasciuum inueni lusum Ciceronis et illo

Spectandum ingenio, quo seria condidit et quo

5

Humanis salibus multo uarioque lepore

Magnorum ostendit mentes gaudere uirorum.

Nam queritur, quod fraude mala frustratus amantem

Paucula cenato sibi debita sauia Tiro

Tempore nocturno subtraxerit. his ego lectis

10

"Cur post haec" inquam "nostros celamus amores

Nullumque in medium timidi damus atque fatemur

Tironisque dolos, Tironis nosse fugaces

Blanditias et furta nouas addentia flammas?"

2

Ausus

rursus Plin. epist. 7, 4, 3 codd. aliqui

Plin. epist. 7, 4, 3: legebantur in Laurentino mihi libri Asini Galli de comparatione patris et Ciceronis; incidit epigramma Ciceronis in Tironem suum [...] id ipsum, quod me ad scribendum sollicitauerat, his uersibus exaraui: "cum libros ... flammas?".