Martialis epigrammata 12, 97

Altre sezioni


Vxor cum tibi sit puella qualem

Votis uix petat inprobus maritus,

Diues, nobilis, erudita, casta,

Rumpis, Basse, latus, sed in comatis,

5

Vxoris tibi dote quos parasti.

Et sic ad dominam reuersa languet

Multis mentula milibus redempta;

Sed nec uocibus excitata blandis

Molli pollice nec rogata surgit.

10

Sit tandem pudor aut eamus in ius.

Non est haec tua, Basse: uendidisti.