Martialis epigrammata 12, 65

Altre sezioni


Formonsa Phyllis nocte cum mihi tota

Se praestitisset omnibus modis largam,

Et cogitarem mane quod darem munus,

Vtrumne Cosmi, Nicerotis an libram,

5

An Baeticarum pondus acre lanarum,

An de moneta Caesaris decem flauos:

Amplexa collum basioque tam longo

Blandita quam sunt nuptiae columbarum,

Rogare coepit Phyllis amphoram uini.