Martialis epigrammata 12, 43

Altre sezioni


Facundos mihi de libidinosis

Legisti nimium, Sabelle, uersus,

Quales nec Didymi sciunt puellae

Nec molles Elephantidos libelli.

5

Sunt illic Veneris nouae figurae,

Quales perditus audeat fututor,

Praestent et taceant quid exoleti,

Quo symplegmate quinque copulentur,

Qua plures teneantur a catena,

10

Exstinctam liceat quid ad lucernam.

Tanti non erat esse te disertum.