Martialis epigrammata 11, 90

Altre sezioni


Carmina nulla probas molli quae limite currunt,

      Sed quae per salebras altaque saxa cadunt,

Et tibi Maeonio quoque carmine maius habetur,

      "Lucili columella hic situs Metrophanes";

5

Attonitusque legis "terrai frugiferai",

      Accius et quidquid Pacuuiusque uomunt.

Vis imiter ueteres, Chrestille, tuosque poetas?

      Dispeream ni scis mentula quid sapiat.