Vendere, Tucca, potes centenis milibus emptos?
Plorantis dominos uendere, Tucca, potes?
Nec te blanditiae, nec uerba rudesue querelae,
Nec te dente tuo saucia colla mouent?
5
Ah facinus! tunica patet inguen utrimque leuata,
Aspiciturque tua mentula facta manu.
Si te delectat numerata pecunia, uende
Argentum, mensas, murrina, rura, domum;
Vende senes seruos, ignoscent, uende paternos:
10
Ne pueros uendas omnia uende miser.
Luxuria est emere hos- quis enim dubitatue negatue?-,
Sed multo maior uendere luxuria est.