Mollia quod niuei duro teris ore Galaesi
Basia, quod nudo cum Ganymede iaces,
-Quis negat? -hoc nimium est. sed sit satis; inguina saltem
Parce fututrici sollicitare manu.
5
Leuibus in pueris plus haec quam mentula peccat
Et faciunt digiti praecipitantque uirum:
Inde tragus celeresque pili mirandaque matri
Barba nec in clara balnea luce placent.
Diuisit natura marem: pars una puellis,
10
Vna uiris genita est. utere parte tua.