Caesaris Augusti lasciuos, liuide, uersus
Sex lege, qui tristis uerba Latina legis:
"Quod futuit Glaphyran Antonius, hanc mihi poenam
Fuluia constituit, se quoque uti futuam.
5
Fuluiam ego ut futuam? quid si me Manius oret
Pedicem, faciam? non puto, si sapiam.
"Aut futue, aut pugnemus" ait. quid quod mihi uita
Carior est ipsa mentula? signa canant"!
Apsoluis lepidos nimirum, Auguste, libellos,
10
Qui scis Romana simplicitate loqui.