Martialis epigrammata 11, 16

Altre sezioni


Qui grauis es nimium, potes hinc iam, lector, abire

      Quo libet: urbanae scripsimus ista togae;

Iam mea Lampsacio lasciuit pagina uersu

      Et Tartesiaca concrepat aera manu.

5

O quotiens rigida pulsabis pallia uena,

      Sis grauior Curio Fabricioque licet!

Tu quoque nequitias nostri lususque libelli

      Vda, puella, leges, sis Patauina licet.

Erubuit posuitque meum Lucretia librum,

10

      Sed coram Bruto; Brute, recede: leget.