Martialis epigrammata 10, 41

Altre sezioni


Mense nouo Iani ueterem, Proculeia, maritum

      Deseris atque iubes res sibi habere suas.

Quid, rogo, quid factum est? subiti quae causa doloris?

      Nil mihi respondes? dicam ego, praetor erat:

5

Constatura fuit Megalensis purpura centum

      Milibus, ut nimium munera parca dares,

Et populare sacrum bis milia dena tulisset.

      Discidium non est hoc, Proculeia: lucrum est.