Martialis epigrammata 10, 15

Altre sezioni


Cedere de nostris nulli te dicis amicis.

      Sed, sit ut hoc uerum, quid, rogo, Crispe, facis?

Mutua cum peterem sestertia quinque, negasti,

      Non caperet nummos cum grauis arca tuos.

5

Quando fabae nobis modium farrisue dedisti,

      Cum tua Niliacus rura colonus aret?

Quando breuis gelidae missa est toga tempore brumae?

      Argenti uenit quando selibra mihi?

Nil aliud uideo quo te credamus amicum

10

      Quam quod me coram pedere, Crispe, soles.