Martialis epigrammata 10, 6

Altre sezioni


Felices, quibus urna dedit spectare coruscum

      Solibus Arctois sideribusque ducem.

Quando erit ille dies quo campus et arbor et omnis

      Lucebit Latia culta fenestra nuru?

5

Quando morae dulces longusque a Caesare puluis

      Totaque Flaminia Roma uidenda uia?

Quando eques et picti tunica Nilotide Mauri

      Ibitis et populi uox erit una "uenit"?