Martialis epigrammata 10, 3

Altre sezioni


Vernaculorum dicta, sordidum dentem,

Et foeda linguae probra circulatricis,

Quae sulphurato nolit empta ramento

Vatiniorum proxeneta fractorum,

5

Poeta quidam clancularius spargit

Et uult uideri nostra. credis hoc, Prisce?

Voce ut loquatur psittacus coturnicis

Et concupiscat esse Canus ascaules?

Procul a libellis nigra sit meis fama,

10

Quos rumor alba gemmeus uehit pinna:

Cur ego laborem notus esse tam praue,

Constare gratis cum silentium possit?