Festinata sui gemeret quod fata Seueri
Silius, Ausonio non semel ore potens,
Cum grege Pierio maestus Phoeboque querebar.
"Ipse meum fleui" dixit Apollo "Linon":
5
Respexitque suam quae stabat proxima fratri
Calliopen et ait: "tu quoque uulnus habes.
Aspice Tarpeium Palatinumque Tonantem:
Ausa nefas Lachesis laesit utrumque Iouem.
Numina cum uideas duris obnoxia fatis,
10
Inuidia possis exonerare deos".
1
quod γ
cum β