Haec sunt illa mei quae cernitis ora Camoni,
Haec pueri facies primaque forma fuit.
Creuerat hic uultus bis denis fortior annis
Gaudebatque suas pingere barba genas,
5
Et libata semel summos modo purpura cultros
Sparserat. inuidit de tribus una soror
Et festinatis incidit stamina pensis
Absentemque patri rettulit urna rogum.
Sed ne sola tamen puerum pictura loquatur,
10
Haec erit in chartis maior imago meis.
4
pingere γ Cfr. Marbod. carm. I 24, 12 purpureas niueo pingere lacte genas; MIlo Amand. IV 507 pellis ob hoc mihi rubra, genas uerecundia pingit
cingere β Cfr. Auson. epigr. 53, 1 sq. laeta bis octono tibi iam sub consule pubes / cingebat teneras, Glaucia adulte, genas