Quid tibi nobiscum est, ludi scelerate magister,
Inuisum pueris uirginibusque caput?
Nondum cristati rupere silentia galli:
Murmure iam saeuo uerberibusque tonas.
5
Tam graue percussis incudibus aera resultant,
Causidicum medio cum faber aptat equo:
Mitior in magno clamor furit amphitheatro,
Vincenti parmae cum sua turba fauet.
Vicini somnum- non tota nocte- rogamus:
10
Nam uigilare leue est, peruigilare graue est.
Discipulos dimitte tuos. uis, garrule, quantum
Accipis ut clames, accipere ut taceas?
1
Cfr. Ou. am. I 7, 27 quid mihi uobiscum caedis scelerumque ministrae