Lasciuam tota possedi nocte puellam,
Cuius nequitias uincere nulla potest.
Fessus mille modis illud puerile poposci:
Ante preces totas primaque uerba dedit.
5
Improbius quiddam ridensque rubensque rogaui:
Pollicitast nulla luxuriosa mora.
Sed mihi pura fuit; tibi non erit, Aeschyle, si uis
Accipere hoc munus condicione mala.
2
nulla β Cfr. Petron. 14, 2 aut ubi paupertas uincere nulla potest; Mart. VI 40, 2 praeferri Glycerae femina nulla potest; Hild. Cen. carm. min. 46, 18 uincis quod uirgo uincere nulla potest
nemo T γ def. Housman 1907, p. 247 (= Class. Pap., p. 725). Cfr. Godefr. Wint. epigr. 221, 8 nemo tenere potest, uincere nemo potest; Nigell. mirac. 1606 cuius iudicia soluere nemo potest