Spendophoros Libycas domini petit armiger urbis:
Quae puero dones tela, Cupido, para,
Illa quibus iuuenes figis mollesque puellas:
Sit tamen in tenera leuis et hasta manu.
5
Loricam clipeumque tibi galeamque remitto;
Tutus ut inuadat proelia, nudus eat:
Non iaculo, non ense fuit laesusue sagitta,
Casside dum liber Parthenopaeus erat.
Quisquis ab hoc fuerit fixus morietur amore.
10
O felix, si quem tam bona fata manent!
Dum puer es, redeas, dum uultu lubricus, et te
Non Libye faciat, sed tua Roma uirum.
2
dones tela γ
donet stella β (cfr. 55, 2. 8)