Pontice, quod numquam futuis, sed paelice laeua
Vteris et Veneri seruit amica manus,
Hoc nihil esse putas? scelus est, mihi crede, sed ingens,
Quantum uix animo concipis ipse tuo.
5
Nempe semel futuit, generaret Horatius ut tres;
Mars semel, ut geminos Ilia casta daret.
Omnia perdiderat si masturbatus uterque
Mandasset manibus gaudia foeda suis.
Ipsam crede tibi naturam dicere rerum:
10
"Istud quod digitis, Pontice, perdis, homo est".