Martialis epigrammata 9, 37

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Cum sis ipsa domi mediaque ornere Subura,

      Fiant absentes et tibi, Galla, comae,

Nec dentes aliter quam Serica nocte reponas,

     Et iaceas centum condita pyxidibus,

5

Nec tecum facies tua dormiat, innuis illo

     Quod tibi prolatum est mane supercilio,

Et te nulla mouet cani reuerentia cunni,

      Quem potes inter auos iam numerare tuos.

Promittis sescenta tamen; sed mentula surda est,

10

     Et sit lusca licet, te tamen illa uidet.

4

iaceas centum T γ

centum iaceas β