Viderat Ausonium posito modo crine ministrum
Phryx puer, alterius gaudia nota Iouis:
"Quod tuus ecce suo Caesar permisit ephebo
Tu permitte tuo, maxime rector" ait;
5
"Iam mihi prima latet longis lanugo capillis,
Iam tua me ridet Iuno uocatque uirum".
Cui pater aetherius "puer o dulcissime", dixit,
"Non ego quod poscis, res negat ipsa tibi:
Caesar habet noster similis tibi mille ministros
10
Tantaque sidereos uix capit aula mares;
At tibi si dederit uultus coma tonsa uiriles,
Quis mihi qui nectar misceat alter erit"?
8
quod γ
quae β