Martialis epigrammata 8, 82

Testo base di riferimento: W. M. Lindsay, 1929

Cura dell'edizione digitale: A. Fusi, 2010

Altre sezioni


Dante tibi turba querulos, Auguste, libellos

      Nos quoque quod domino carmina parua damus,

Posse deum rebus pariter Musisque uacare

      Scimus et haec etiam serta placere tibi.

5

Fer uates, Auguste, tuos: nos gloria dulcis,

      Nos tua cura prior deliciaeque sumus.

Non quercus te sola decet nec laurea Phoebi:

      Fiat et ex hedera ciuica nostra tibi.

3

uacare γ

uocare β